Komisioni Qendror i Zgjedhjeve ka njoftuar se në platformën e KQZ-së për rezultate kanë filluar të prezantohen rezultatet nga Qendrat Komunale të Numërimit.
Krahas kolonave të deritashme asaj me rezultatet për pjesëmarrje në zgjedhje dhe rezultatet preliminare, është shtuar edhe ajo e rezultateve nga Qendrat Komunale të Numërimit.
Zëdhënësi i KQZ-së, Valmir Elezi, tha se aty përfshihen rezultatet për Kryetarë të Komunave, rezultatet e subjekteve politike për Kuvendet Komunale, dhe votat e kandidatëve për anëtarë të Kuvendeve Komunale.
“Në Qendrat Komunale të Numërimit, përveç numërimit të votave të kandidatëve për anëtarë të Kuvendeve Komunale, në QKN, sipas Rregullores Zgjedhore të KQZ-së për Qendrat Komunale të Numërimit, bëhet edhe verifikimi i rezultateve nga formularët që janë plotësuar në vendvotime pas numërimit të fletëvotimeve”, ka thënë Elezi.
Të tjera
Nga tetori deri në mars e domosdoshme vitamina D
“Rrjetet sociale nuk çojnë drejt degradimit të gjuhës”
Këshilla për një gjumë më të mirë