Ceremonia tradicionale e çajit japonez në Vilën 31

Java Kulturore Japoneze solli artin dhe shpirtin e Japonisë më pranë përmes ceremonisë së çajit japonez e cila u zhvillua mbrëmë në Vilën 31.

Pjesëmarrësit patën mundësinë të përjetojnë nga afër artin dhe filozofinë e kësaj tradite shekullore, e cila mishëron harmoninë (和 – Wa), respektin (敬 – Kei), pastërtinë (清 – Sei) dhe qetësinë (寂 – Jaku) – vlerat thelbësore të kulturës japoneze.

Të pranishmit përjetuan qetësinë dhe elegancën e ritualit të çajit japonez, të udhëhequr nga një mjeshtër japonez i çajit.

Aktiviteti ofroi një mundësi për të kuptuar thelbin e harmonisë, respektit dhe qetësisë shpirtërore, ndërsa të pranishmit mësonin rreth përgatitjes së çajit matcha, simbol i kulturës japoneze, dhe e shijonin atë në një atmosferë autentike dhe relaksuese.

Ky aktivitet kushtuar ceremonisë tradicionale të çajit japonez (Chadō), u organizua nga Ambasada e Japonisë në Shqipëri.