Aktuale

Deklarata e 2 korrikut, Osmani: Pikënisje për Kosovën e pavarur

Posted on 02/07/2024 by Bota e Lajmeve

Në 34 vjetorin e miratimit të Deklaratës Kushtetuese të 2 korrikut, presidentja e vendit, Vjosa Osmani ka takuar delegatët e asaj kohe.

Osmani në një postim në Facebook shkruan se deklarata Kushtetuese e 2 Korrikut të vitit 1990 ishte pikënisje drejt realizimit të idesë së kamotshme për Kosovën shtet të pavarur.

“Sot, në këtë përvjetor, pata nderin t’i takoj një pjesë të delegatëve të asaj kohe, guximi dhe vendosmëria e të cilëve shënuan një akt historik, me të cilin u vendosën themelet për realitetin e sotëm- Republikën e pavarur dhe sovrane të Kosovës”, shkruan Osmani.