Dy medalje të bronzta për Kosovën në Kampionatin Botëror të Paragllajdizmit

Ekipi i paragllajdistëve të Kosovës ka arritur sukses të madh në Kampionatin e 13-të Botëror të Paragllajdizmit, i cili është mbajtur në Antalia të Turqisë, duke fituar dy medalje të bronzta.

Në garat individuale, Lisjeta Thaçi u shpërblye me medaljen e bronztë, ndërsa ekipi i Kosovës u ngjit në podium si i treti në renditjen ekipore, mes 36 shteteve pjesëmarrëse.

Komiteti Olimpik i Kosovës ka përgëzuar sportistët dhe Federatën Aeronautike të Kosovës për këtë arritje të madhe që e nderon sportin kosovar.