Kryeministri në detyrë i Kosovës, Albin Kurti, ka pritur në takim përfaqësues të kompanisë suedeze Ericsson, ndër ta edhe zëvendëspresidentin e kompanisë, Mikael Bäck.
Gjatë takimit u diskutua për thellimin e bashkëpunimit me gjigantin e telekomunikimit Ericsson, me të cilin Kosova ka bashkëpunuar në modernizimin e rrjetit kombëtar dhe në mbulimin e gjithë territorit me rrjetin 4G dhe 5G, njofton Zyra e Kryeministrit.
Palët biseduan gjithashtu për mundësitë e investimeve të ardhshme në fushën e telekomunikacionit, sektor ku Ericsson ka zhvilluar me sukses projekte në shumë shtete evropiane.
Bëhet e diture se Kurti i falënderoi përfaqësuesit për vizitën dhe bashkëbisedimin, duke vlerësuar kontributin e tyre në zhvillimin teknologjik të vendit.
Në delegacionin e kompanisë ishte edhe Florijeta Mulolli, nga Kosova, ish-këshilltare e Drejtorit Ekzekutiv të Ericsson dhe aktualisht Drejtore e Lartë e Llogarive në këtë kompani.
Të tjera
Fëmijët kokëfortë që sfidojnë prindërit do të jenë më të suksesshëm në jetë
Shembet rruga “Malush Kosova” në Prishtinë, shkaktohet një gropë gjigante
Qepë, hudhra, uthull molle si antibiotikë natyralë