Deklaratë e fortë nga gazetari gjerman pas koalicionit LVV-LDK: “Në kushte normale…”

Gazetari i medias gjermane, Bahri Cani ka reaguar në lidhje me debatin publik që është krijuar pas koalicionit të LVV me LDK në komunën e Vushtrrisë.

Sipas tij, ky koalicion nuk do duhej të bënte kaq shumë bujë, pasi bashkëpunimi i partive politike në nivelin lokal do të duhej të ishte dhe është tërësisht normal.

Megjithatë, Cani kërkoi që LDK ta sqarojë këtë situatë më mirë.

“Sdq, LDK duhet të dalë me qëndrim shumë të prerë – lejohet bashkëpunimi në nivelin lokal në mënyrë autonome apo jo dhe jo të krijohen huti tek votuesit! Me këso veprimesh nuk ka fituar askush, sepse votuesi i LDK sot e ka më pak të qartë se dje se ke duhet ta votojë në blotazh, ndërsa partia del e pakoordinuar”, shkroi gazetari, përcjell “Bota sot”.

Edhe tani partitë politike në nivelin lokal kanë bashkëpunime pavarësisht nivelit qendror – si në Kosovë, ashtu edhe në Gjermani dhe shumë vende. Në Gjermani është shumë normale për shembull që partitë të bashkëpunojnë në nivelin lojal pavarësisht atij në nivelin qendror (përveç AfD, me të cilën deri tani askush nuk do të bashkëpunojë).

Por bashkëpunimet nuk ndodhin gati kurrë pa konsultime. Ndaj pyetja kryesore nga fillimi është: A ka pasur vërtet konsultime me krerët e LDK-së dhe pse në fotografi është vetëm njëri nga liderët (në këtë rast i VV Albin Kurti) e jo edhe kreu i partisë tjetër (Lumir Abdixhiku).

Por vetë fakti që për këtë bashkëpunim ngrihet kaq shumë pluhur tregon në fakt se sa e kontaminuar është atmosfera politike mes partive në Kosovë. Në kushtet normale kjo fotografi nuk do të luante kurfarë roli, ky bashkëpunim do të ishte krejtësisht normal, por në Kosovë sot gjithçka aktualisht shikohet me lupë!

Sdq, LDK duhet të dalë me qëndrim shumë të prerë – lejohet bashkëpunimi në nivelin lokal në mënyrë autonome apo jo dhe jo të krijohen huti tek votuesit! Me këso veprimesh nuk ka fituar askush, sepse votuesi i LDK sot e ka më pak të qartë se dje se ke duhet ta votojë në blotazh, ndërsa partia del e pakoordinuar.