Pas dështimit për formimin e Qeverisë së re, Lëvizja Vetëvendosje ka filluar mbledhjen e nënshkrimeve për thirrjen e seancës së re. Burimet e RTV21 mirë të konfirmuara brenda LVV-së na bëjnë me dije se deputetët e këtij subjekti politik synojnë që t’i mbledhin 40 nënshkrime që janë të domosdoshme për thirrjen e seancës së jashtëzakonshme për formimin e Qeverisë së re.
Pas dështimit për formimin e Qeverisë, LVV-ja ditë më parë e ka konfrmuar zyrtarisht se ky subjekt politik nuk do të dërgojë kandidat tjetër për të mandatuar tek presidentja Vjosa Osmani, përveç Albin Kurtit.
Por, sipas Kushtetutës pas dështimit të mandatarit të parë për sigurimin e votave të nevojshme për formimin e Qeverisë, Albin Kurti nuk mund të mandatohet për herë të dytë.
Të tjera
Ministri belg i Mbrojtjes thotë se nëse Brukseli sulmohet, Moska do të rrafshohet me tokë
Bes Kallaku më në fund i lumtur, ai ribashkohet me personin e zemrës dhe e ndan këtë moment lumturie me të gjithë
Çka duhet të dini për vitaminën F?