Sekretari i Përgjithshëm i Ministrisë së Punëve të Jashtme dhe Diasporës, Ilir Muçaj, ka pritur në takim një delegacion belg në krye me Birgit Stevens, Drejtoreshë e Përgjithshme për Bashkëpunim Dypalësh, ku thuhet se u diskutua për marrëdhëniet dypalëshe, forcimin e mëtejshëm të tyre, si dhe mundësitë për zhvillimin e një agjende të përbashkët në fushën e marrëveshjeve ndërkombëtare.
“Në këtë frymë bashkëpunimi, u zhvilluan konsultimet politike ndërmjet Republikës së Kosovës dhe Mbretërisë së Belgjikës, ku u diskutua për marrëdhëniet dypalëshe, forcimin e mëtejshëm të tyre, si dhe mundësitë për zhvillimin e një agjende të përbashkët në fushën e marrëveshjeve ndërkombëtare. Të dyja palët ritheksuan rëndësinë e mbajtjes së këtyre konsultimeve politike si një mekanizëm thelbësor për thellimin e bashkëpunimit dhe për identifikimin e mundësive që kontribuojnë në koordinimin në çështje me interes të përbashkët, përfshirë edhe rritjen e bashkëpunimit ekonomik”, thuhet në njoftim.
MPJD-ja thotë se konsultimet politike ndërmjet Kosovës dhe Mbretërisë së Belgjikës dëshmojnë për partneritetin e qëndrueshëm ndërmjet dy vendeve mike, që vazhdojnë të forcohen përmes dialogut të hapur dhe bashkëpunimit konkret në fusha me interes të përbashkët.
Të tjera
Motra ju bën person më të mirë
Njohja e Kosovës nga Siria irriton Vuçiqin: Kërkon k*riminelin Asad dhe su*lmon Turqinë
Basha paralajmëron se mbi 80 mijë zyrtarë publikë mund të mbesin pa paga – “S’ka mirëkuptim në Kryesinë e Kuvendit”