Ministri në detyrë i Mbrojtjes, Ejup Maqedonci ka pritur në takim ambasadorin e Gjermanisë në Kosovë, Rainer Rudolph me të cilin kanë diskutuar për situatën e sigurisë.
“Në këtë takim diskutuam mbi situatën e sigurisë në vend, për stabilitetin e sfidat e vendit dhe rajonit në një periudhë sfiduese për sigurinë, ndërsa e informova dhe për kapacitetet aktuale të FSK-së”, ka bërë të ditur Maqedonci.
Maqedonci thotë se diplomatit gjerman i ka shprehur mirënjohjen për mbështetjen që shteti që ai përfaqëson i ka dhënë Kosovës.
“ Shpreha mirënjohjen time për mbështetjen e gjatë të shtetit gjerman ndaj Republikës së Kosovës, praninë e shtuar të trupave gjermane në kuadër të KFOR-it, si dhe besimin e thellë që ky bashkëpunim dhe me ambasadorin Rudolph do të vazhdojë në drejtim të thellimit të bashkëpunimit ndërmjet vendeve tona në fushën e sigurisë dhe mbrojtjes, si dy shtete që ndajmë interesa të përbashkëta”, ka thënë Maqedonci.
Të tjera
Tri njohje të reja për vendin tonë brenda këtij viti
Lajm historik, SHKK fiton Çmimin Ndërkombëtar të Ekselencës
Kosova i nis me fitore kualifikimet për Botërorin 2027