Tifozët e Barcelonës u detyruan të evakuonin autobusin e tyre ndërsa udhëtonin për në ndeshjen e Ligës së Kampionëve të mërkurën kundër Club Brugge, pasi autobusi shpërtheu në flakë. Incidenti ndodhi vetëm disa orë para fillimit të ndeshjes në Belgjikë.
Një pjesë e tifozëve të Barcelonës po udhëtonin drejt Stadiumit Jan Breydel kur u vërejtën tym dhe flakë duke dalë nga autobusi i tyre. Mjeti ishte në një autostradë jo shumë larg nga qyteti i Bruges kur u detyrua të ndalonte.
Pamjet treguan pasagjerë të shqetësuar që po prisnin në anë të rrugës, ndërsa zjarri përfshiu pjesën e pasme të autobusit raporton “Mirror”.
Sipas burimeve, nuk raportohet për persona të lënduar në këtë incident.
Të tjera
Personat që kanë qëllime janë më të shëndetshëm
Gjashtë gjërat që nuk duhet t’i bëni pas ndarjes
Tensione në Beograd, Diana Hrka përpiqet të flasë nga Çaciland me muzikë me zë të lartë