Familja e veprimtarit Haki Imeri: Populli të zgjedhë koalicionin e shtetit – LVV, Guxo dhe Alternativa

Familja e veprimtarit Haki Imeri ka reaguar duke bërë thirrje për mbështetje të koalicionit LVV–Guxo–Alternativa, të cilin e cilëson si “koalicionin e shtetit, demokracisë dhe sigurisë kombëtare”.

Në reagim thuhet se opozita është e bashkuar vetëm në mashtrime, ndërsa LDK-ja “është shkrirë në PDK, duke humbur shpirtin dhe idealin e saj”.

Familja Imeri apelon që qytetarët të mos mashtrohen nga “patriotët e rremë”, por të zgjedhin forcat që mbrojnë integritetin dhe dinjitetin e Kosovës.

Shkrimi i plotë:

– Përballë një opozite të bashkuar vetëm në mashtrime, populli duhet të zgjedhë koalicionin e shtetit – LVV, GUXO dhe Alternativa .

-Të vetmit që përfaqësojnë demokracinë, sigurinë kombëtare dhe integritetin territorial të vendit, cep më cep.

-Ata që dikur fshiheshin pas flamurit, sot janë robër të interesave personale e dosjeve të errëta..

– “Rruga e re” e Lumir Abdixhikut paska qenë platform që çon drejt Shikut një “integrim” aq i thellë sa LDK-ja tashmë është vetëm emër, pa shpirt, pa identitet dhe pa ideal.

-Në këtë realitet të përmbysur, ku mashtruesit shpallen patriotë dhe grabitqarët bëjnë fushatë për moral, është koha që qytetari të mos mashtrohet më.

-Koalicioni LVV-Guxo-Alternativa është koalicioni për shtetin, për paqen, për integritetin territorial e kushtetues, dhe mbi të gjitha – për mbrojtjen e Kosovës nga armiqtë, jashtëm apo të brendshëm, të veshur me flamur apo me kostum partiak.

-Sepse sot, më shumë se kurrë, Kosova nuk ka nevojë për fjalë të mëdha por për njerëz të drejtë, te dinjitshem dhe te guximshem.