Tragjedi pranë kufirit: Avioni luftarak rus rrëzohet, humbin jetën 2 pilotët

Një avion luftarak është rrëzuar në Rusi, kurse dy pilotë kanë humbur jetën pas përplasjes.

Informohet se një avion luftarak Su-30 u rrëzua gjatë një fluturimi stërvitor në republikën ruse të Karelias, pranë kufirit me Finlandën.

Lajmi është raportuar nga vetë mediat ruse, që cituan Ministrinë e Mbrojtjes në Moskë.

Guvernatori i Karelias, Artur Parfenchikov, tha në platformën Telegram, se avioni luftarak u rrëzua në një pyll, duke sqaruar se nuk kishte viktima në tokë.