Partia Demokratike e Kosovës është shprehur e zhgënjyer thellë me vendimin e Panelit Zgjedhor për Ankesa dhe Parashtresa (PZAP), i cili sot ka refuzuar ankesën e kësaj partie politike lidhur me parregullsitë e evidentuara në procesin zgjedhor në Mitrovicë.
Në reagimin e saj PDK-ja thekson se e konsiderojnë këtë vendim të padrejtë dhe të pambështetur në realitetin e asaj që ka ndodhur në Mitrovicë.
PDK-ja paralajmëron se nuk do të ndalen me kaq, ata do të paraqesin ankesë në Gjykatën Supreme të Kosovës.
Ky subjekt politik deklaron: “PDK është dhe mbetet në mbrojtje të votës së lirë, të drejtë dhe të pastër të qytetarëve. Ne nuk kërkojmë asgjë më shumë sesa respektimin e ligjit dhe të vullnetit të shprehur të qytetarëve të Mitrovicës. Drejtësia do të vijë. Ne do të vazhdojmë deri në fund”.
Të tjera
A e dini çfarë i ndodh trupit kur qëndroni ulur gjatë?
Serbia mbetet burimi kryesor i destabilizimit në Ballkan
Qeveria mbështet Sharrin me gati 1 milion euro për qendrën e re kulturore