Kombëtarja e Kosovës mbrëmë (e martë) zhvilloi ndeshjen e fundit të ciklit kualifikues për Kupën e Botës 2026.

‘Dardanët’ luajtën baras me rezultat 1-1 ndaj Zvicrës, në një ndeshje ku Florent Muslija realizoi një gol spektakolar për të siguruar që Kosova del e pamposhtur nga kjo sfidë.

Sidoqoftë, më shumë se rezultati ajo që mori vëmendje ishin fishkëllimat e një pjese të tifozëve të Kosovës drejtuar Granit Xhakës.

Në mbrojtje të tij tani ka dalë vëllau i tij Taulant Xhaka, i cili e ka cilësuar Granitin si krenaria e shqiptarëve.