Kryetari i ri i PDK-së Bedri Hamza ka bërë thirrje për mobilizim për zgjedhjet e reja më 28 dhjetor, pasi Lëvizja Vetëvendosje dështoi për të formuar qeverinë e re në dy tentime të njëpasnjëshme.
Thirrja e kreut të ri të PDK-së vjen pasi presidentja Vjosa Osmani shpalli sot 28 dhjetorin si datë të zgjedhjeve të reja, të dhjetat këto me radhë në historinë e Kosovës.
Hamza përkujtoi se PDK-ja kishte kërkuar mbajtjen e zgjedhjeve më 21 dhjetor, raporton KosovaPress.
Ai shtoi se fitorja e PDK-së në zgjedhjet e 28 dhjetorit do të jetë fitorja e Kosovës së zhvilluar.
Hamza: Me PDK-në për fitore
“Ne jemi gati ta rikthejmë stabilitetin dhe funksionimin normal të shtetit. Më 28 dhjetor, ju ftoj të gjithëve të jemi bashkë. Unik. Të mobilizuar. Dhe të vendosur për një Kosovë që punon, që zhvillohet dhe që ecë përpara. Me PDK-në. Për fitore. Për Kosovën. Na priftë e mbara!”, tha Hamza.
Të tjera
16 linjat e fytyrës, ja çfarë sekretesh fshihen për shëndetin tuaj
Policia intervenon në dy raste të kalimit të paautorizuar të kufirit
LeBron James thyen rekord historik në NBA