Kurti reagon pas arrestimit të Maduros: Kosova krah SHBA-së në luftën kundër drogës

Kryemistri në detyrë i Kosovës, Albin Kurti ka reaguar pas arrestimit të Nicolas Maduros nga Shtetet e Bashkuara të Amerikës, duke theksuar se Kosova e mbështet këtë operacion anti-narkotik.

Përmes një reagimi në Facebook, Kurti shkroi se mbajtja përgjegjës e aktorëve shtetërorë të përfshirë në trafikimin e drogave është thelbësore për suksesin në luftën kundër kësaj dukurie, përcjell “Bota sot”.

“Kosova, si aleate strategjike e ShBA-së dhe NATO-s, ofron mbështetje të plotë në luftën kundër trafikimit të narkotikëve dhe kundër cenimit të vlerave demokratike perëndimore nga aktorë përfaqësues (proxy) të kundërshtarëve të këtyre vlerave, si në rajonin tonë ashtu edhe më gjerë”, shkroi Kurti.

Në këtë kontekst, ritheksojmë nevojën për rritjen e vëmendjes ndaj aktorëve të caktuar rajonalë, të cilët në vazhdimësi synojnë provokimin e situatës së sigurisë përmes veprimeve hibride, kriminale, terroriste dhe ushtarake.