Ish-sulmuesi i Manchester United, Lee Sharpe, ka zbuluar detaje të pazakonta nga karriera e tij në Old Trafford, duke treguar se si një kërcënim verbal i Sir Alex Ferguson ndikoi direkt në jetën e tij personale.
Sharpe, i cili kaloi tetë vite te “Djajtë e Kuq”, duke fituar 3 tituj Premier League, një Champions League dhe kupa të tjera, pranoi se performanca e tij e dobët e detyroi të jetonte larg të dashurës së tij, në banesa të siguruara nga klubi.
Në një intervistë për podcastin “Sacked in the Morning”, 54-vjeçari rrëfeu:
“Ferguson kontrollonte gjithçka në klub. Kur kërkova të jetoj me të dashurën time, ai pyeti nëse do martoheshim. Kur forma ime u dobësua, më tha se do kthehesha në banesa të klubit. Dhe kjo ndodhi saktësisht pas një ndeshjeje në Anfield, ku më tha indirekt se isha ‘krejtësisht i padobishëm’.”
Sharpe tregoi se pas këtij incidenti, menaxheri i madh i kërkoi të shiste shtëpinë, makinën, madje edhe qenushin dhe të dërgonte të dashurën e tij në Birmingham.
Megjithatë, ish-sulmuesi i njohur arriti të rifitonte besimin e Fergusonit, duke luajtur 261 ndeshje, shënuar 36 gola dhe dhënë 30 asistime gjatë karrierës së tij në Manchester United.
Pas largimit nga klubi, Sharpe luajti edhe për Leeds United, Bradford City dhe Bradford, duke mbyllur karrierën në vitin 2004 me 10 trofe të mëdha në vitrinë.
Ky rrëfim ofron një pasqyrë unike mbi ndikimin e madh që Sir Alex Ferguson kishte jo vetëm në futboll, por edhe në jetën personale të lojtarëve të tij.
Të tjera
Këta janë shkaktarët më të shpeshtë të fryrjes së këmbëve
Programi festiv në Serbi shndërrohet në shovinizëm ndaj shqiptarëve
Aspirina nuk rekomandohet për të moshuarit që s’kanë faktorë rreziku