Federata e Basketbollit e Kosovës (FBK) ka njoftuar se është hapur zyrtarisht afati kalimtar në konkurrencën e meshkujve. Afati ka nisur sot dhe do të jetë i hapur deri më 14 janar.
Pritet që klubet e ProCredit Superligës të tregohen mjaft aktive gjatë kësaj periudhe, në varësi të objektivave që kanë për pjesën vendimtare të sezonit. Elita e basketbollit kosovar po zhvillohet me intensitet të lartë, ku gara për çdo pozitë në tabelë është e fortë dhe çdo ndeshje ka peshë të madhe.
Në prag të fazës vendimtare të kampionatit, klubet synojnë të forcojnë përbërjet e tyre, qoftë në garën për titull, qoftë në luftën për mbijetesë. Përforcime priten edhe në Ligën e Parë dhe Ligën e Dytë të Meshkujve, të cilat këtë edicion po karakterizohen nga rivalitet dhe interesim i shtuar.
Afati kalimtar pritet të sjellë lëvizje të rëndësishme dhe të ndikojë drejtpërdrejt në ecurinë e skuadrave në javët në vazhdim të kampionatit.
Të tjera
Katër këshilla për ta mbajtur diabetin në kontroll
Në Uashington harmonizuam qëndrimet me ShBA-në për hapat e mëtejmë në dialog
Shpallen të pafajshëm Haxhiu dhe të tjerët për gazin lotsjellës në Kuvendin e Kosovës pas 10 vitesh