Sorensen sot në Kosovë, pritet të takohet me presidenten Osmani

Emisari i Bashkimit Evropian për dialogun Kosovë-Serbi, Peter Sorensen, do të qëndrojë sot për vizitë në Kosovë.

Ai do të takohet me Presidenten Vjosa Osmani.

Sipas njoftimit të Presidencës, takimi do të zhvillohet në orën 10:00, në Kabinetin e Presidentes.

Deri tash nuk ka ndonjë njoftim nëse i njëjti do ta takojë kryeministrin në detyrë, Albin Kurtin.