Gjatë një vizite zyrtare në Shtetet e Bashkuara të Amerikës, Komandanti i Forcës së Sigurisë së Kosovës vizitoi bazën e aviacionit të Gardës Kombëtare të Ajovës, e konsideruar ndër njësitë kyçe të saj, transmeton KosovaPost.
Me këtë rast, gjeneral Jashari u njoftua nga afër me kapacitetet operacionale të bazës, përfshirë helikopterët Black Hawk, si dhe me procedurat e trajnimit, mirëmbajtjes dhe infrastrukturës përcjellëse.
Gjatë takimit, gjeneral Jashari dhe gjeneral Osborn u pajtuan për krijimin e grupeve të përbashkëta punuese me qëllim të zhvillimit të kapaciteteve të aviacionit në kuadër të FSK-së. Në përmbyllje, Komandanti i FSK-së vlerësoi profesionalizmin e njësisë dhe falënderoi stafin për gatishmërinë për të mbështetur FSK-në në zhvillimin e kapaciteteve me helikopterë Black Hawk.
Të tjera
28-vjeçari nga Kosova hu*mb jetën pas ak*sidentit me autocisternë në Slloveni
Pse mjekët sugjerojnë të mos pini kafe assesi me stomakun bosh
Ambasada amerikane përkujton vi*ktimat e m@sakrës së Reçakut