Kosova dhe Bahamas heqin vizat, Presidenca: Hapi historik drejt lidhjeve të fuqishme ndërkombëtare
Një lajm i jashtëzakonshëm për qytetarët e Republikës së Kosovës! Sot, në kryeqytetin amerikan, u nënshkrua marrëveshja historike për heqjen e ndërsjellë të vizave mes Kosovës dhe Bahamasit.
Ky moment vjen pas njohjes së Kosovës nga Bahamas dhe vendosjes së marrëdhënieve diplomatike në muajin dhjetor. Presidentja Vjosa Osmani dhe Kryeministri i Bahamasit, Davis, kanë theksuar se heqja e vizave përbën një hap të rëndësishëm drejt forcimit të bashkëpunimit dhe partneritetit ndërmjet dy vendeve.
“Ky është një hap i rëndësishëm që afron qytetarët tanë me njëri-tjetrin dhe forcon lidhjet mes popujve tanë,” deklaroi Presidentja Osmani gjatë ceremonisë në Washington. Marrëveshja lehtëson udhëtimet, promovon turizmin dhe zgjeron mundësitë për bashkëpunim ekonomik dhe kulturor.
Reagimi i Presidencës:
Një lajm shumë i mirë për të gjithë qytetarët e Republikës së Kosovës!
Sot, në Washington, D.C., u nënshkrua marrëveshja për heqjen e ndërsjellë të vizave ndërmjet Kosovës dhe Bahamasit.
Pas njohjes nga Bahamas dhe vendosjes së marrëdhënieve diplomatike në muajin dhjetor, Presidentja Osmani dhe Kryeministri Davis u dakorduan se ky do të ishte hapi i radhës. Ky hap dëshmon përkushtimin e përbashkët për forcimin e partneritetit ndërmjet Kosovës e Bahamas dhe, mbi të gjitha, për forcimin e lidhjeve mes qytetarëve tanë, duke i afruar ata edhe më shumë me njëri-tjetrin.
Donika Gërvalla njofton marrëveshjen historike: Hiqen vizat mes Bahamas dhe Kosovës
Ministrja e Punëve të Jashtme, Donika Gërvalla, ka bërë të ditur se është nënshkruar marrëveshja mes Republikës së Kosovës dhe Komonuelthit të Bahamasit për heqjen reciproke të vizave për qytetarët e të dy vendeve.
Sipas saj, kjo marrëveshje përbën një tjetër lajm të mirë për Kosovën dhe vjen si hap i mëtejmë në forcimin e marrëdhënieve dypalëshe, pas njohjes së fundit të pavarësisë së Kosovës nga Bahamasi. Heqja e vizave pritet të lehtësojë lëvizjen e lirë të qytetarëve, të nxisë shkëmbimet kulturore dhe të krijojë mundësi të reja bashkëpunimi në fusha të ndryshme.
“Urime të gjithë qytetarëve!”, ka theksuar Gërvalla, duke e cilësuar këtë zhvillim si një sukses diplomatik dhe dëshmi të avancimit të subjektivitetit ndërkombëtar të Kosovës.
Postimi i plotë:
Sapo u nënshkrua marrëveshja mes Republikës së Kosovës dhe Komonuelthit të Bahamasit për heqjen reciproke të vizave për qytetarët e të dy vendeve. Një tjetër lajm i mirë dhe hap i mëtejmë në forcimin e marrëdhënieve dypalëshe pas njohjes së fundit të Kosovës nga Bahamasi.
Të tjera
Osmani ftohet nga Trump në Bordin e Paqes, Rama uron Kosovën
Osmani: Rugova bëri bashkë popullin rreth kauzës për liri e pavarësi
8 problemet shëndetësore që shfaqin simptomat e tyre në sy