Komentatori politik Fidan Rama ka kritikuar ashpër reagimin e kryetarit dhe ish-kryetarit të Kuvendit, Dimal Basha lidhur me vendimet e Gjykatës Kushtetuese, duke e cilësuar këtë qasje si “mjerim institucional”.
Sipas Ramës, edhe pse opinionistët dhe komentatorët politikë nuk prodhojnë efekte juridike dhe përfaqësojnë vetëm mendimin e tyre publik, situata bëhet shqetësuese kur një figurë institucionale si Dimal Basha vë në pikëpyetje autoritetin e Gjykatës Kushtetuese. Ai ka theksuar se Basha, me votën e tij, ka qenë pjesë e procesit të zgjedhjes së gjyqtarëve të Gjykatës Kushtetuese, duke ua dhënë atyre mandatin dhe besimin për interpretimin e Kushtetutës.
“Ky është thelbi i mjerimit: një njeri që me votën e tij ua ka dhënë mandatin gjyqtarëve për ta interpretuar Kushtetutën, sot ua konteston këtë të drejtë”, ka deklaruar Rama.
Sipas tij, Gjykata Kushtetuese e ka të qartë rolin dhe kompetencën e saj, duke theksuar se vendimet e saj janë të pakontestueshme dhe përfundimtare. Rama ka vlerësuar se forma dhe gjuha e reagimit të Dimal Bashës ndaj Gjykatës Kushtetuese janë totalisht të papranueshme dhe përbëjnë cenim të rendit kushtetues dhe të besimit institucional.
Të tjera
Rreziku qe vjen nga Ibuprufeni
Këto janë të mirat e mjaltës me arra
Pesë shenja se ai nuk ju do, ndoshta do vetëm seks