Pasditen e së martës, Paneli Zgjedhor për Ankesa dhe Parashtresa, mori vendim për të shtatë ankesat që ishte duke i shqyrtuar pas shpalljes së rezultateve përfundimtare të zgjedhjeve të 28 dhjetorit nga ana e KQZ’së.
Nga ai moment nisi rrjedha e afatit për ankesa në Supreme, që është 48 orë.
Deri tani në Gjykatën Supreme ka shkuar një ankesë. Bëhet fjalë për ankesën e Partisë Rome të Bashkuar të Kosovës.
Kështu bëri të ditur zëdhënësja e Supremes, Antigona Uka, në një përgjigje për Gazetën Express.
“Bazuar në informacionet nga Zyra për Menaxhimin e Lëndëve, në Gjykatë Supreme, deri më tani, është pranuar një (1) ankesë administrative, kundër vendimit të PZAP-së, nga Partia Rome e Bashkuar e Kosovës.”
Ajo tha se Supremja ka afat pesë ditë që të vendosë për ankesa pasi të mbyllet afati për ankimim.
“Afati për paraqitje të ankesës në Gjykatë Supreme është 48 orë, nga pranimi i vendimit të PZAP-së, ndërsa afati i vendosjes për këto ankesa, në Gjykatën Supreme, është pesë (5) ditë.”
PZAP nga të shtatë ankesat e aprovoi vetëm ankesën e Listës Srpska ndaj Komisionit Qendror të Zgjedhjeve për mosshpalljen e rezultatit përfundimtar të shtunën vetëm për këtë parti dhe kandidatët e saj.
Ky institucion i rrëzoi gjashtë ankesat tjera që ishtë duke i shqyrtuar.
Pasi edhe Gjykata Supreme të marrë vendim për ankesat e pranuara, i hapet rruga KQZ’së që t’i certifikojë rezultatet e zgjedhjeve të fundit.
Të tjera
Çështja e presidentit, Kurti: Nëse shkojmë në zgjedhje do t’i humbim së paku dhjetë milionë euro
Haxhiu: E kam ofruar pozitën e kryeparlamentares që të mos shkojmë në zgjedhje
Musliu dënon gjuhën seksiste të Gecit ndaj Çitakut: Nuk do të heshtim përballë fyerjeve