Haga në pritje të vendimit historik: Prokuroria paralajmëron dënime të rënda

“Selimi ka rrahur një të paraburgosur me tuba plastikë”, tha një prokuror special.

Sipas ZPS-së, të ndaluarit në qendrat e ndalimit në Kosovë dhe në veri të Shqipërisë janë rrahur me “grushte e shqelma, me shkopinj të drurit e të bejsbollit, me shufra hekuri, është përdorur elektroshok, u janë thyer dhëmbët e disave u janë hequr me pica thonjtë”.

Zyra e Prokurorit të Specializuar, e përfaqësuar nga prokurorja, Clare Lawson tha se krimet janë kryer nga vartësit e të akuzuarve dhe se të akuzuarit kanë kontribuar në ato si dhe kishin synime të qarta.

“Të akuzuarit këtu nuk po gjykohen për vepra penale rutinë që kanë ndodhur gjatë asaj kohë, apo për dhunën e përgjithshme apo për djegën e shtëpive që ndodhi gjatë asaj kohe kundër civile serb. krimet për të cilën akuzohen janë krime që i kanë kryer vartësit e të akuzuarve dhe i kanë kryer në vende të ndryshme të ndalimit dhe janë në përputhje me politikat që kishin ata ndaj oponentëve”, tha ajo.

Clare Lawson përmendi një shembull që pretendohet se e ka përdorur mbrojtja e Thaçit për të argumentuar se kryerësit në fakt nuk ishin vërtetë të UÇK-së është rasti dëshmitarit 02951 kur kishte thënë se ai hezitonte të thoshte se UÇK-ja po luftonte për liri.

Prokurorja, Clare Lawson tha se ka evidenca që kryerësit e krimeve ishin anëtarë të UÇK-së.

“Të akuzuarit kanë kontribuar dhe kishin synim të qartë”, tha Lawson.

ZPS: Ka prova që dëshmojnë ekzistencën e një plani të përbashkët kriminal

Zyra e Prokurorit të Specializuar, e përfaqësuar nga prokurorja, Clare Lawson tha se në rastin ndaj ish-krerëve të UÇK-së ka prova që dëshmojnë ekzistencën e një plani të përbashkët kriminal përtej dyshimit të arsyeshëm.

“Në dosjet e mbrojtjes thuhet se nuk ka prova të drejtpërdrejta për qëllimin e përbashkët kriminal dhe nuk është paraqitur dhe më pas paraqesin shumë argumente që nuk duhet marrë parasysh ato që janë thënë. Ne, kemi përmbledhur në dosjen tonë e edhe sot gamën e gjerë të provave rrethanore të drejtpërdrejta që vërtetojnë ekzistencën e planit të përbashkët. Një kontratë e nënshkruar në mes anëtarëve të NPK-së nuk nevojitet domesdoshmërisht për këtë qëllim”, tha Lawson.

Provë e drejtpërdrejtë e qëllimit të përbashkët kriminal sipas Lawson janë edhe komunikatat që pretendohet se janë lëshuar nga UÇK-ja.

Ajo tha se përveç komunikatave ka edhe prova të tjera që e dëshmojnë këtë gjë.

Përpara kësaj, ajo foli edhe për Gjykatën ushtarak të UCk-së e cila pretendohet se ka qenë në atë kohë duke shtuar se është përdorur si mjet kudër oponentëve.

“Gjykata shërbeu si një fshehës për të vendosur një shtresë falëse për të fshehur legjitimitetin dhe nga ana tjetër është përdorur nga anëtarët e NPK-së si një instrument i mëtejshëm për t’u përdorur kundër oponentëve”, tha ajo.

Ajo shtoi se Gjykata është mbështetur po ashtu dhe referimi i çështjeve përpara saj në veçanti nga Policia Ushtarake si dhe sektori i ZKZ-së.

“Absurditeti me të cilën është aplikuar kjo jepet ose mund të shpjegohet nga çështja e vllezeverve Saleviq që tërhoqi vëmendjen e ndërkombëtareve. Të dy vëllezërit u rrahën nga UÇK-ja dhe njeri prej tyre vdiq. Sokol Dobruna shko personalisht në vendin e ndalimit dhe diskutoi rastin me anëtarë të tjerë të Shtabit të Përgjithshëm dhe nuk siguroi fillimin e hetimit në këtë aspekt dhe thjeshtë injoroi provat e drejtpërdrejta që kishte përpara  mbi bazën që përpara tij nuk ishte dërguar asnjë pretendim penal”, tha ajo.

Ajo shtoi se këta dy persona u ndaluan në një vend ku ndodhej në mes Divjakës dhe Kleçkës ku e kishte selinë Shtabin e Përgjithshëm i UCK-së.

Ajo tha se të ndaluarit që përfshinin serbë dhe shqiptarë janë mbajtur të ndaluar për periudha të ndryshme nga disa ditë deri në disa javë.

Lawson tutje tha se të ndaluarit janë rrahur edhe nga Rexhep Selimi ndërsa në të njëjtin vend janë vrarë 11 persona.

Përveç Krasniqit, Doburnës e Selimit, Lawson tha se edhe persona të tjerë që kishin njohuri të drejtpërdrejtë për personat që ishin të përfshirë në vendin e ndalimit në Kleçkë.

Ajo shtoi se këta persona që kishin këto njohuri ishin Kadri Veseli dhe Limaj si dhe të paktën 5 anëtarë të Shtabit të përgjithshëm.

Dhomat e Specializuara kanë shkuar në pushim të drekës.

Në periudhën prill 1998 deri në gusht 1999 janë regjistruar 437 incidente të ndalimit, tha ZPS-ja, duke shtuar se këto incidente janë pjesë e aktakuzës.

“Pjesa më e madhe e viktimave ishin civilë që nuk merrnin pjesë në konfliktin e armatosur në kohën e arrestimit të tyre”, tha një prokuror i specializuar.

Prokurori i lartë i Zyrës së Prokurorit të Specializuar, Alan Tieger ka nisur deklaratën e tij përmbyllëse në gjyqin e madh ndaj Thaçit dhe të tjerëve.

Ai prezantoi para trupit gjykues dëshmitë ndaj ish-krerëve të Ushtrisë Çlirimtare të Kosovës, të cilat pretendojnë se ata janë fajtorë për krime të kryera gjatë luftës.

Pos tjerash, ai citoi dëshmitarë të cilët kanë deklaruar se shtabi i UÇK-së nuk do të ndalej deri të arrinte fitoren e plotë.

“Shtabi i përgjithshëm kërkonte pavarësinë e Kosovës dhe do të vazhdonin deri ta merrnin fitoren e plotë. Ka qenë vetëm shtabi i përgjithshëm”, tha ai.

Pos tjerash, ai tha se ish-luftëtarët e UÇK-së, pasi dolën për herë të parë në televizion më 1998, nuk e pranuan assesi anatominë.

Tieger po ashtu tha se vrasja e familjes Jashari, zgjeroi luftën në Kosovë.

“E kanë pranuar të gjitha palët”, shtoi ai gjatë deklaratave përmbyllëse.

Prokuroria paraqiti një hartë për qendrat e pretenduara të ndalimit të UÇK-së. Sipas ZPS-së, aty, të ndaluar u paraburgosën në mënyrë arbitrare, u keqtrajtuan, u zhdukën dhe u vranë.

Në periudhën prill 1998 deri në gusht 1999 janë regjistruar 437 incidente të ndalimit, tha ZPS-ja, duke shtuar se këto incidente janë pjesë e aktakuzës.

“Pjesa më e madhe e viktimave ishin civilë që nuk merrnin pjesë në konfliktin e armatosur në kohën e arrestimit të tyre”, tha një prokuror i specializuar.

Sipas prokurorisë në Hagë, në mesin e të ndaluarve kishte edhe forca kundërshtare, por edhe anëtarë të UÇK-së. Viktimat, sipas ZPS-së ishin “shqiptarë të Kosovës, serbë, romë, malazezë boshnjakë, maqedonas, burra, gra dhe fëmijë”, që u mbajtën në qendra me orë, ditë, javë apo muaj.

Prokurorja Clare Lawson tha se UÇK-ja vazhdoi me “shënjestrimin e civilëve” edhe pasi u nënshkrua Marrëveshja e Kumanovës, duke ndaluar civilët nën dyshimet për bashkëpunim.

Sipas saj, pas Marrëveshjes së Kumanovës, UÇK-ja mori nën kontroll infrastrukturën shtetërore dhe të akuzuarit tentuan të vendosnin autoritetin de facto në terren.

Ajo përmendi një komunikatë të qershorit të vitit 1999, ku thuhej se ishin ndaluar tre persona, dy prej të cilëve ishin vrarë dhe një ishte arratisur.

Lawson pretendoi e Thaçi po tentonte të konsolidonte pushtetin te faktori ndërkombëtar, duke mohuar se ka pasur vepra penale.

Zyra e Prokurorit të Specializuar tha se në fund të vitit 1998, UÇK krijoi gjykatën ushtarake, që tha se nuk ishte efektive, pasi siç argumentoi Prokuroria, në punën e saj ndërhynin anëtarët e Shtabit të Përgjithshëm, përfshirë Selimi dhe Krasniqi.

Gjykata, tha Prokuroria, shërbeu si “instrument nga ndërmarrja e përbashkët kriminale” kundër kundërshtarëve.

Prokuroria përmendi rastin e ndalimit të Blerim Kuçit, rasti i të cilit ishte iniciuar pranë kësaj gjykate dhe ndaj tij ishte shqiptuar dënuar me vdekje.

“Fate të njëjta ishin planifikuar për kundërshtarë të tjerë, që pretendoheshin të silleshin në pseudo-gjykatën për tradhti”, tha prokuroria.

Prokurori i Specializuar, Alan Tieger është duke vazhduar me paraqitjen e deklaratës përmbyllëse rreth gjykimit ndaj Hashim Thaçit, Kadri Veselit, Jakup Krasniqit e Rexhep Selimit.

Tieger po pretendon se të akuzuarit kanë kryer sulme kundër serbëve, anëtarëve të Partisë Socialiste Serbe – që kishin bërë fjalime në varrimin e dikujt që ishte vrarë nga anëtarë të UÇK-së – persona që pretendohej se bashkëpunonin me organet e pushtuesit apo merrnin pjesë në veprimtari tjera të paspecifikuar antikombëtare.

Ai tha se Shtabi i Përgjithshëm kërkonte pavarësinë e Kosovën, derisa pranoi se sulmi ndaj familjes Jashari nxiti zgjerimin e luftës.

“Fillimi i marsit njihet fatkeqësisht edhe nga sulmi që i ndodhi familjes së Jasharëve dhe vrasjes së Adem Jasharit dhe familjes së tij, një ngjarje që nxiti atë për të cilat pajtohen të gjitha palët, fillimin e zgjerimit eksploziv të UÇK-së nga origjina e vet guerile”, tha ai.

Gjykimi ndaj Thaçit dhe të tjerëve në fazën përfundimtare – ZPS kërkon 45 vjet dënim për secilin

Tutje, siç tha prokurori i specializuar, katër të akuzuarit ishin “pionerë të UÇK-së”.

“Të akuzuarit nuk u albanizuan papritmas nga vrasja e familjes së Jasharëve për të dalë vullnetar, por ata ishin pionerë të UÇK-së që e kishin quar në atë pikë UÇK-në. Siç ka thënë një anëtar i rëndësishëm Shtabit të Përgjithshëm të UÇK-së, Hashim Thaçi, Kadri Veseli, dhe Rexhep Selimi kanë qenë ndër paktët protagonistët që kanë qenë pjesë, citoj ‘e një strukture të përbashkët’, dhe citoj sërish ‘filluan dhe përfunduan luftën’”, deklaroi ai.

Tieger, po vazhdon deklaratën përmbyllëse dhe po flet për, siç pretendon ai, vrasjeve dhe torturimeve të personave të ndaluar në qendrën në Bajgorë.

Siç pretendon ai, vrasjet dhe keqtrajtimet janë bërë “përmes autorizimit të Shtabit të Përgjithshëm” të UÇK-së.

Ai tha qendra në Bajgorë u bë mbi bazën e komunikatave të UÇK-së dhe se “Shtabi i Përgjithshëm dënonte bashkëpunëtorët”.

Prokurori i Specializuar, Alan Tieger, po vazhdon deklaratën përmbyllëse dhe po flet për, siç pretendon ai, vrasjeve dhe torturimeve të personave të ndaluar në qendrën në Bajgorë.

Siç pretendon ai, vrasjet dhe keqtrajtimet janë bërë “përmes autorizimit të Shtabit të Përgjithshëm” të UÇK-së.

Ai tha qendra në Bajgorë u bë mbi bazën e komunikatave të UÇK-së dhe se “Shtabi i Përgjithshëm dënonte bashkëpunëtorët”.