“Më në fund e fitova burrin tim”, dedikimi plot dashuri i Anitës për Ramush Haradinajn

Pas largimit të Ramush Haradinaj nga drejtimi i Aleanca për Ardhmërinë e Kosovës, një reagim me shumë emocione erdhi nga bashkëshortja e tij, Anita Haradinaj.

Përmes një postimi në rrjetet sociale, ajo shprehu krenarinë për rrugëtimin politik të Haradinajt, duke e cilësuar si një figurë të rrallë që, sipas saj, lind një herë në një shekull. Anita theksoi se kontributi i tij nuk do të harrohet dhe se historia do ta vlerësojë rolin tij në momentet kyçe për vendin.
Në mesazhin e saj, ajo la të kuptohet se pas viteve të angazhimeve intensive publike, tani do të nisë një kapitull më i qetë për familjen e tyre.

“Kosova do ta dojë gjithmonë, por unë do ta dua edhe më shumë”, ka shkruar ajo.