Izraelitët të cilët uzurpojnë tokat palestineze, u përpoqën t’i vendosin flakën hyrjes së një xhamie në Bregun Perëndimor të pushtuar, transmeton Anadolu.
Në një deklaratë nga Ministria palestineze e Fondacioneve thuhet se izraelitët që uzurpojnë tokat palestineze, tentuan t’i vinin flakën një xhamie në fshatin Tel në afrësi të qytetit Nablus.
Deklarata vuri në dukje se përpjekja e izraelitëve fanatikë për të djegur xhaminë “Abu Bakr Siddiq” në Tel ishte e pasuksesshme dhe dënoi sulmin në fjalë.
Ajo thekson se hebrenjtë fanatikë sulmojnë vendet e shenjta islame dhe pronën palestineze çdo ditë dhe se ka një rritje të këtyre sulmeve dhe dhunës sistematike të përdorur.
Ndër të tjera transmetohet se izraelitët fanatikë nën mbrojtjen e ushtrisë izraelite, kanë sulmuar 45 xhami në vitin 2025. “Tentativa e zjarrvënies së xhamisë tregon qartë barbarinë e makinerisë raciste provokuese izraelite kundër vendeve të shenjta islame dhe të krishtera në Palestinë”, thuhet në deklaratë.
Më tej bëhet e ditur se sulmi ishte një sulm i qartë ndaj muslimanëve dhe ndjenjave të tyre fetare.
“Sulmet që synojnë vendet e shenjta, përfshirë zjarrvënien me dashje, mbylljen e xhamive dhe ndalimin e thirrjes për lutje, janë dëshmi të barbarizmit të egër të Izraelit”, theksohet në deklaratë.
Sulmet ndaj vendeve të adhurimit shkelin të gjitha ligjet ndërkombëtare që garantojnë lirinë e adhurimit dhe të drejtën për të krijuar vende adhurimi, thuhet më tej.
Të tjera
Myftiu Naim ef. Tërnava mysafir nderi në iftarin e shtruar nga Emiri i Katarit
Po vjen dimri, ja ç’duhet të keni kujdes tek makina juaj
Tër*met në Bosnje e Hercegovinë