BE-ja u bën thirrje të gjitha palëve për “përmbajtje maksimale” pas zhvillimeve në Iran

Presidentja e Komisionit Evropian Ursula von der Leyen dhe Presidenti i Këshillit Evropian Antonio Costa kanë thënë se zhvillimet në Iran janë “shumë shqetësuese”.

“U bëjmë thirrje të gjitha palëve të ushtrojnë përmbajtje maksimale, të mbrojnë civilët dhe të respektojnë plotësisht ligjin ndërkombëtar”, thanë të dy udhëheqësit në një deklaratë të përbashkët.

“Në koordinim të ngushtë me shtetet anëtare të BE-së, ne do të ndërmarrim të gjitha hapat e nevojshëm për të siguruar që qytetarët e BE-së në rajon të mund të mbështeten në mbështetjen tonë të plotë.”