Zemra ime është me civilët që po vuajnë

Modelja e njohur Bella Hadid ka reaguar në rrjetet sociale duke shprehur mbështetje për popullin e Iranit, në mes të tensioneve dhe sulmeve të fundit në vend, përcjell Kosova Post.

Në mesazhin e saj, ajo tha se mendimet dhe zemra e saj janë me qytetarët iranianë, si dhe me çdo civil që po përballet me pasojat e konflikteve dhe vendimeve politike.

Hadid theksoi se shpesh janë njerëzit e pafajshëm ata që paguajnë çmimin më të lartë për vendimet e liderëve dhe për përshkallëzimet ushtarake. Sipas saj, e ardhmja e Iranit duhet të përcaktohet nga vetë populli i tij, e jo nga ata që përpiqen ta shtypin ose ta përdorin për interesa politike.