Dushi i ftohtë, natyrisht nuk është ideal, por shpeshherë thuhet se është mënyra më e mirë se sa dushi i nxehtë. Veçanërisht, uji i ftohtë është i këshillueshëm për flokët. Nëse do që t’i kesh më të shndritshëm, më pak të ngatërruar dhe më të shëndetshëm, atëherë mos shpenzo para për produktet e pafundme. Thjesht, ndrysho temperaturën e ujit.
Ruan shkëlqimin. Ujë i ftohtë nuk i dëmton fijet e flokut, i bën ato të duken më të buta dhe më të shkëlqyeshme.
Nuk ka më flokë të ngatërruar: Zakonisht flokët ngatërrohen ose prishin formën nëse i lan me ujë të nxehtë. Uji i ftohtë nuk u heq lagështirën flokëve, pra nuk i than plotësisht ata dhe nuk u heq të gjithë yndyrën natyrale, shkruan revistawho. Kështu, më shumë lagështirë, më pak flokë të ngatërruar.
Skalpi më i pastër. Uji i ftohtë mbyll poret e lëkurës së kokës, duke parandaluar futjen e papastërtive në brendësi. Kështu, pas çdo shpëlarjeje me ujë të ftohtë, do t’i ndiesh flokët dhe skalpin më të pastër.
Nëse e ke të pamundur t’i lash flokët me ujë të ftohtë, atëherë të paktën përpiqu t’i shpëlash me ujë të ftohtë pas larjes. Në këtë mënyrë u jep atyre më shumë ajër dhe i bën më të shkëlqyeshëm.
Të tjera
Ballkani në epërsi të dyfishtë ndaj Dritës
Studimet më të reja tregojnë përse nuk do të duhej të nxirrni dhëmballët
“Kemi shumë mall dhe krenari për ty”