Lajme

VV-së s’i pëlqejnë propozimet që zgjedhjet të mbahen me 26 janar, Mihali: Interesant çfarë opozite…

Posted on by Bota e Lajmeve

Lëvizjes Vetëvendosje nuk i kanë pëlqyer propozimet e partive opozitare që zgjedhjet të mbahen më 26 janar. Dejona Mihali Koordinatorja e Komiteteve të kësaj partie, tha se opozita dëshiron që të fushata zgjedhore të fillojë më 24 dhjetor, një ditë para krishtlindjeve.

Sipas saj, liderët e partive opozitare e kanë analizuar gjatë dhe kanë dalë me konkluzion që fushata më e mirë është për pushime të vitit të ri.

“Interesant çfarë opozite. Po dëshirojnë të fillojnë fushatë zgjedhore me 24 dhjetor.

Një ditë para krishtlindjeve.  Dy javë para vitit të ri të bëjnë fushatë.  E me 26 janar të jenë zgjedhjet. Me siguri shumë ekspertë e profesorë që kanë brenda e jashtë kryetarët aktual e kanë analizuar gjatë këtë temë. Dhe kanë dalë në konkluzion që fushata më e mirë është për pushime të vitit të ri.

Kjo është pikërisht një nga ato temat që më mirë kur i thotë Vlora Çitaku dhe Hykmete Bajrami. Nejse edhe Ramush Haradinaj se dhe AAK e ka këtë kur kanë me thënë nga ato gjërat që skuqen të gjithë nga turpi”, shkroi Mihali në Facebook.

Dje, presidentja e Kosovës, Vjosa Osmani, mblodhi liderët e partive politike për të diskutuar reth shpalljes së datës së zgjedhjeve. Tre krerët e partive opozitare – Memli Krasniqi, Lumir Abdixhiku dhe Ramush Haradinaj ishin prezentë, por jo edhe kryetari i partisë më të madhe Albin Kurti.

Kujtojmë se tre liderët opozitarë dhanë një datë për mbajtjen e zgjedhjeve, 26 janarin.