“‘Pa Kosovën, jo’ – Gërvalla me mesazh të prerë për politikën shqiptare ndaj Serbisë”

Zëvendëskryeministrja dhe ministrja e Drejtësisë, Donika Gërvalla, ka kritikuar kryeministrin e Shqipërisë, Edi Rama, lidhur me një editorial të përbashkët që ai ka publikuar me presidentin e Serbisë, Aleksandar Vuçiq, në gazetën gjermane Frankfurter Allgemeine Zeitung.

Ajo theksoi se Shqipëria nuk duhet të ndjekë alternativa me Serbinë që anashkalojnë Kosovën, duke paralajmëruar se çdo lider shqiptar që e neglizhon këtë rrezikon të bëjë gabime të mëdha me pasoja për kombin.