Në ditët e fundit të muajit të shenjtë të Ramazanit, kryetari i LDK-së, Lumir Abdixhiku bëri iftar me Myftiun Naim Tërnava dhe përfaqësuesit e Bashkësisë Islame të Kosovës, përcjell KosovaPost.
Me këtë rast, i pari i LDK-së uroi të gjithë besimtarët që agjëruan, “me shpresën që përkushtimi, sakrifica dhe lutjet e tyre të jenë pranuar nga Krijuesi”.
“Muaji i Ramazanit mbetet një periudhë reflektimi dhe përforcimi të vlerave që na bashkojnë si shoqëri; solidaritetit, mirëkuptimit, tolerancës dhe respektit të ndërsjellë. Këto vlera mbeten themeli i bashkëjetesës sonë dhe garancia e një shoqërie të drejtë e harmonike”.
“Qytetarët tanë kanë dëshmuar gjithmonë kulturë të lartë humane e vëllazërore, duke qëndruar pranë njëri-tjetrit dhe duke ndarë me ata që kanë më shumë nevojë. Le të vazhdojmë t’i kultivojmë dhe t’i forcojmë këto vlera edhe përtej këtij muaji të shenjtë”, ka shkruar ai.
Të tjera
SHBA u kërkon të gjitha ambasadave të ndërmarrin “menjëherë” masa sigurie pas su*lmeve në Lindjen e Mesme
Ndryshimet vaginale për të cilat çdo grua duhet të jetë e vëmendshme
Kosova qëndron mirë me rezerva të derivateve