Klubi futbollistik FC Drita ka njoftuar me pikëllim të thellë për ndarjen nga jeta në moshë të re të bashkëpunëtores së tyre, Elife Sherifi.
Në reagimin zyrtar, klubi e kujton Sherifin si një profesioniste të shquar në fushën e gazetarisë dhe një adhuruese të zjarrtë të FC Dritës, shumë kohë përpara se të merrte detyrën e zëdhënëses së klubit.
Ajo e ushtroi këtë pozitë me përkushtim për më shumë se gjashtë vite, duke dhënë kontribut të rëndësishëm në komunikimin dhe promovimin e klubit.
Sipas FC Dritës, puna, përkushtimi dhe dashuria e saj për klubin do të mbeten gjithmonë pjesë e kujtimeve të tyre.
Klubi ka shprehur ngushëllimet më të sinqerta për familjen Sherifi, miqtë dhe të gjithë ata që e njohën, duke theksuar se në këto momente të vështira qëndrojnë pranë familjes dhe ndajnë dhimbjen me ta.
“Prehu në paqe, Elif”, thuhet në mesazhin përmbyllës të klubit.
Të tjera
10 veprime të thjeshta që jua zgjasin jetën
Stërvitjet e ushtarëve serbë në kufi me Kosovën nuk përbëjnë kërcënim
Mos ndryshoni ngjyrën e flokëve pa e lexuar këtë