Presidenca e Kosovës ka njoftuar krijimin e profileve të reja zyrtare në rrjetet sociale, me qëllim sigurimin e vazhdimësisë së komunikimit me qytetarët.
“Pas përfundimit të mandatit të Presidentes së mëparshme, profilet ekzistuese janë marrë në administrim nga zyra e saj dhe nuk përfaqësojnë më komunikimin zyrtar të Presidencës. Institucionet publike nuk janë të lidhura me mandate individuale, ato duhet të kenë komunikim të qëndrueshëm, të qartë dhe me vijimësi, në shërbim të qytetarëve”, thuhet në njoftim.
Për këtë arsye, thuhet se profilet e reja zyrtare do të administrohen drejtpërdrejt nga institucioni i Presidencës dhe do të shërbejnë si burimi i vetëm i informacionit zyrtar nga ky institucion.
“Ky hap siguron që komunikimi zyrtar të mbetet i lidhur me institucionin, duke ruajtur dhe garantuar vazhdimësinë institucionale në funksion të informimit të qytetarëve”, thuhet në njoftim.
Tutje theksohet se profilet në rrjetet sociale janë pronë e Presidencës dhe do të mbeten në përdorim të institucionit më të lartë të shtetit, pavarësisht se kush ushtron funksionin e Presidentit/es.
Të tjera
Hiqni peshën e tepërt me mençuri, 7 këshilla
Haxhiu përkujton m@sakrën e Polacit dhe betejën në Abri të Epërme
Intervista e Osmanit, vjen reagimi i parë nga VV-ja