Ministrja e Mjedisit, Planifikimit Hapësinor dhe Infrastrukturës, Fitore Pacolli, ka bërë të ditur se është ftuar si folëse në një konferencë të nivelit të lartë që do të mbahet në Nju Jork gjatë muajit korrik.
Përmes një postimi në rrjetet sociale, Pacolli njoftoi se së fundmi ka zhvilluar një takim me Dr. Nabhit Kapur, Ambasador dhe Përfaqësues i Përhershëm për Ujin dhe Kanalizimin në kuadër të Kombeve të Bashkuara.
“Ai më ftoi që në korrik të marr pjesë si folëse në Konferencën e Nivelit të Lartë Politik për Ujin në Nju Jork. Kjo është shumë e rëndësishme, sidomos tani kur mbrojtja dhe menaxhimi i ujit, si dhe investimet në diga dhe liqene akumuluese, janë ndër prioritetet kryesore të Qeverisë Kurti”, ka shkruar ajo në facebook. Sipas saj, nga kjo bisedë ka ardhur edhe ftesa zyrtare për të marrë pjesë si folëse në Konferencën e Nivelit të Lartë Politik për Ujin.
Të tjera
Arsyeja pse zbutësit ju thajnë e ju çajnë më tej buzët
Skandal në Torino: Juventus paguan 40 milionë euro për një lojtar që s’është në planet e Luciano Spallettit
Fatban Bunjaku emërohet zëvendësministër i parë në MINT