Mesfushori italian Manuel Locatelli ka zyrtarizuar rinovimin e kontratës me Juventus deri në qershor të vitit 2030, duke konfirmuar rolin e tij kyç në projektin afatgjatë të klubit torinez.
Sipas njoftimeve të fundit, marrëveshja e re përfshin edhe rritje page për 28-vjeçarin, një reflektim i rëndësisë që ai ka fituar në skuadër gjatë viteve të fundit, raporton klankosova.
Locatelli është pjesë e Juventusit që nga viti 2021, kur u transferua nga Sassuolo, dhe që atëherë është shndërruar në një nga shtyllat kryesore të mesfushës. Ai ka regjistruar mbi 220 paraqitje me bardhezinjtë, duke kontribuar edhe me gola dhe asistime, por mbi të gjitha me stabilitet dhe lidership në fushë.
Kontrata e mëparshme e Locatellit ishte e vlefshme deri në vitin 2028, ndërsa me marrëveshjen e re ai do të qëndrojë në Torino edhe për dy vite shtesë, duke i dhënë fund çdo spekulimi për largim.
Të tjera
Një vezë në ditë mban larg sulmet e zemrës
Pozitiviteti i shtirur është i rrezikshëm
Kryediplomati belg: Përpjekjet e Kosovës për rrugën e evropiane duhet të njihet nga BE