Kryenegociatori i Kosovës me Bashkimin Evropian, Jeton Zulfaj thotë se Lëvizja Vetëvendosje “i ka votat e nevojshme” për zgjedhjen e presidentit, por sipas tij “opozita po bllokon” me mungesë në Kuvend për kuorumin e dy të tretave të deputetëve.
“Votat për presidentin janë. Vetëm duhet pjesëmarrja”, ka thënë Zulfaj në një intervistë për RTK.
“Nuk ka arsye që të bllokohet qeverisja dhe të tentohet që rezultati i zgjedhjeve në kuti të përmbyset përmes bojkotit”, u shpreh ai.
Zulfaj u bëri thirrje partive opozitare që të marrin pjesë në seancë, edhe nëse votojnë kundër.
“Duhet të jesh në Kuvend ta shprehesh mendimin, për, kundër ose abstenim. Le të vijnë e të votojnë kundër”, tha ai.
Ai shtoi se opozita duhet të reflektojë për rolin e saj.
“Duhet reflektim prej opozitës… Spo ju lypet vota për”, deklaroi Zulfaj.
Të tjera
Gjashtë sëmundjet që nuk ju lënë të dobësoheni
Ja si duhet ta largoni vetminë
Ja çfarë efekti ka përdorimi i telefonit gjatë ngrënies