Në kuadër të vizitës zyrtare në Republikën Federale të Gjermanisë, ministri i Mbrojtjes, Ejup Maqedonci, është takuar me Sekretarin e Parlamentit të Shtetit, Nils Schmid në Ministrinë Federale të Mbrojtjes, transmeton KosovaPost.
Ministria e Mbrojtjes thotë se gjatë takimit, u diskutua për avancimin e mëtejmë dhe bashkëpunimin bilateral në fushën e sigurisë dhe mbrojtjes.
“Ministri vlerësoi lart mbështetjen e vazhdueshme të Gjermanisë për zhvillimin e kapaciteteve të Forcës së Sigurisë së Kosovës, si dhe kontributin e saj të rëndësishëm në kuadër të KFOR-it”.
Po ashtu, thotë Ministria e Mbrojtjes se Maqedonci e Schmid, diskutuan për mundësitë e vazhdueshme të bashkëpunimit në industrinë e mbrojtjes, rritjen e ndërveprueshmërisë dhe zgjerimin e programeve të përbashkëta për trajnime.
“Me këtë rast, ministri Maqedonci shprehu mirënjohje për përkrahjen e vazhdueshme dhe rolin konstruktiv të Gjermanisë, duke ritheksuar përkushtimin e Republikës së Kosovës për forcimin e partneritetit strategjik, zhvillimin e kapaciteteve sipas standardeve të NATO-s, si dhe kontributin e përbashkët në ruajtjen e paqes dhe stabilitetit rajonal”, thuhet në njoftim.
Të tjera
10 mënyra për të mbajtur nën kontroll diabetin
Mendoni dy herë para se t’i shtoni ushqimit erëza pikante
Mbani dietë prej kohësh dhe nuk po dobësoheni, këto janë 5 gabimet e përditshme që po prishin gjithçka