Kryeministri në detyrë, Albin Kurti, zhvilloi sot një takim me kryeministrin e landit Nordrhein-Westfalen, Hendrik Wüst, në kuadër vizitës zyrtare në Gjermani.
Kurti shprehu mirënjohje të thellë për mbështetjen historike të Gjermanisë, nga pritja e refugjatëve kosovarë gjatë luftës së viteve 1998–1999 deri tek kontributi vendimtar në rindërtimin e vendit pas luftës. Ky solidaritet, theksoi ai, është themeli mbi të cilin ndërtohet partneriteti i sotëm.
Në takim u diskutua për thellimin e bashkëpunimit dypalësh ndërmjet shteteve, me theks të veçantë rolin që mund të ketë mërgata në ndërtimin e urave lidhëse për rritjen e aktivitetit të përbashkët ekonomik dhe shkëmbimet tregtare.
Kryeministri në detyrë Kurti, po ashtu, foli për rëndësinë e shkëmbimeve kulturore dhe atyre të arsimit profesional.
Të tjera
Si të hiqni dorë nga një marrëdhënie që ju streson?
Kurti: Diaspora dhe bashkëpunimi me Gjermaninë çelës për zhvillim ekonomik
Abdixhiku e Osmani bashkë në Obiliq: Nisin takimet me qytetarët