Kryetari i Komunës së Podujevës, Shpejtim Bulliqi, ka pritur në takim ministrin në detyrë të Mbrojtjes, Ejup Maqedonci, me të cilin kanë diskutuar për dy projekte me rëndësi të veçantë për Podujevën: Aeroportin e Dumoshit dhe 100 hektarët në Batllavë, të cilat do të vihen në funksion të ngritjes së kapaciteteve ushtarake të Forcës së Sigurisë së Kosovës.
Sipas kryetarit Bulliqi, këto investime paraqesin dëshmi të përkushtimit institucional për forcimin e sigurisë dhe zhvillimin e Podujevës, duke e bërë komunën një pikë me rëndësi të veçantë për mbrojtjen dhe stabilitetin e vendit.
“Edhe pse Podujeva ka vijën kufitare më të gjatë me Serbinë, në të kaluarën nga territori ynë u larguan dy kazerma ushtarake. Sot, falë angazhimit të kryeministrit Albin Kurti dhe ministrit Ejup Maqedonci, po ndërmerren hapa konkretë që Podujeva të jetë më e mbrojtur, më e zhvilluar dhe më e sigurt për të gjithë qytetarët”, ka deklaruar Bulliqi.
Të tjera
Zv/presidenti amerikan dënon súlmin e “neveritshëm” ndaj një xhamie në San Diego
Aktivitetet e verës që largojnë stresin
Kusari-Lila dhe Haskuka shqyrtojnë hapat konkretë për zhbllokimin e Parkut të Biznesit 80-hektarësh që mbeti peng i PDK-së