KFOR-i riafirmon përkushtimin për sigurinë në Kosovë

Komandanti i KFOR, gjeneralmajor Özkan Ulutaş, ka pritur në selinë e misionit në kampin Film City në Prishtinë, kongresistët amerikanë Keith Self dhe Suhas Subramanyam, transmeton KosovaPost.

Sipas njoftimit të KFOR-it, gjatë takimit është diskutuar për situatën e sigurisë në rajon, si dhe për angazhimin e vazhdueshëm të misionit në garantimin e një ambienti të sigurt dhe të qetë për të gjithë qytetarët në Kosovë.

“Takimi shërbeu si mundësi që komandanti të paraqesë situatën e sigurisë në rajon, duke theksuar përkushtimin e vazhdueshëm të KFOR-it për garantimin e një ambienti të qetë dhe të sigurt për të gjithë njerëzit që jetojnë në Kosovë”, thuhet në njoftim.

KFOR-i vazhdon të mbetet faktor kyç në ruajtjen e stabilitetit dhe sigurisë në Kosovë dhe rajon, në bashkëpunim me institucionet vendore dhe partnerët ndërkombëtarë.