Drita bën përforcim, sjell ish-lojtarin e klubit të njohur evropian

Kampioni i Kosovës, Drita ka bërë lëvizje para fillimit të kualifikueseve të Ligës së Kampionëve.

Bëhet fjalë për 23-vjeçarin, Agan Mjaki i cili erdhi nga skuadra e Laçit.

Ai është po ashtu produkt i akademisë së Groningenit, skuadër kjo e cila prodhoi legjenda si Ronald Koeman, Arjen Robben, Luis Suarez dhe Virgil Van Dijk.

Mjaki, ishte një nga lojtarët më të rëndësishëm të Laçit, i cili ndihmoi skuadrën të rikthehet në elitën e futbollit shqiptar.