Lionel Messi, në ditën që theu rekordin duke u bërë golashënuesi më i mirë në histori të kampionateve botërore, hodhi nënshkrimin në fanellën me simbole të shtetit të Kosovës.
Këtë moment magjik përmes pamjeve na e solli drejtori i Sportit në Artmotion Arlind Sadiku, i cili po e përcjellë nga afër botërorin që po zhvillohet në ShBA, Kanada dhe Meksikë.
“Në ditën kur Leo Messi u shpallë golashënuesi më i mirë në histori të Botërorëve, pata fatin ta takoja dhe të merrja një nënshkrim të tij në fanellën me simbole tona shtetërore. Një nga momentet më të lumtura në jetë për mua. Gracias Leo”, ka deklaruar Sadiku.
Mbrëmë argjentinasi me dygolëshin e tij e ka tejkaluar gjermanin Miroslav Klose, duke hyrë si golashënuesi më i mirë në histori të kampionateve botërore.
Të tjera
Hoti kërkon reagim qytetarë ndaj qeverisë për gazin amerikan: Kosova nuk guxon të largohet nga rruga që e ka sjellë deri këtu
FSK përmbyll me sukses pjesëmarrjen në operacionin ushtarak në Mbretërinë e Bashkuar
Meloni: Përplasjet e mia me Trumpin nuk duhet të ndikojnë raportet Itali-SHBA