Barça i jep ultimatum Atlético Madridit për Julián Álvarezin

FC Barcelona ka vendosur fundin e Kupës së Botës si afatin përfundimtar për të siguruar transferimin e Julián Álvarez.

Sipas raportimeve të Mundo Deportivo, drejtuesit e klubit katalanas synojnë ta mbyllin marrëveshjen sapo të përfundojë Botërori. Megjithatë, nëse Atlético Madrid vazhdon të refuzojë negociatat edhe pas turneut, Barcelona është e gatshme të tërhiqet përfundimisht nga gara për sulmuesin argjentinas.

Në atë rast, blaugranët do të ndryshojnë strategji dhe do të fokusohen te objektiva të tjerë për repartin ofensiv, duke mos humbur më kohë në një operacion që mund të rezultojë i pamundur.

Julián Álvarez mbetet një nga prioritetet kryesore të Barcelonës në këtë merkato, por vendimi përfundimtar do të varet nga qëndrimi i Atlético Madridit pas përfundimit të Kupës së Botës.