Në Kosovë janë sekuestruar asete me vlerë rreth 1 milion euro gjatë një operacioni të përbashkët ndërkombëtar kundër pastrimit të parave nga trafiku i drogës, transmeton Kosova Post.
Operacioni u zhvillua në Prishtinë më 30 qershor 2026 nga Policia e Kosovës dhe Prokuroria Speciale, në bashkëpunim me autoritetet italiane dhe franceze, si dhe me mbështetjen e Europol dhe Eurojust.
Hetimi ka zbuluar një rrjet kriminal transnacional që dyshohet për pastrim parash, ku janë identifikuar llogari bankare, biznese, prona dhe automjete luksoze në pronësi të një çifti kosovar që jeton në Itali dhe është nën hetim në Francë.
Sipas autoriteteve, më herët janë sekuestruar edhe sasi të mëdha ari dhe miliona euro cash të fshehura, ndërsa në total pasuritë e lidhura me rrjetin arrijnë në dhjetëra miliona euro.
Paratë dyshohet se janë konvertuar në ar për të fshehur origjinën dhe për t’u transportuar më lehtë në vende si Kosova, Turqia dhe Maroku.
Të tjera
Përdorimi i muzikës si ndihmë për gjumë
Zyrtare: Sandro Tonali i bashkohet Tottenhamit
Marco Rubio fotografohet me dy fëmijë kosovarë në festën e Pavarësisë së ShBA