Aktuale, Bota

A do të ketë lehtësime për qytetarët që duan të punojnë në Gjermani? Deputeti gjerman jep përgjigjen

Posted on by botaelajmeve

Deputeti i rizgjedhur, Knut Abraham, pas zgjedhjeve të fundit gjermane, në një intervistë dhënë për ‘Bota sot’, është pyetur nëse qytetarët e Kosovës do të kenë lehtësira për të punuar apo studiuar në Gjermani.

Ai thotë se, nëse Kosova do të integrohet në BE, qytetarët mund të punojnë dhe studiojnë në Gjermani.

“Nëse Kosova integrohet në tregun e vetëm, qytetarët tuaj mund të punojnë dhe studiojnë në Gjermani ashtu si çdo qytetar tjetër i BE-së. Puna drejt kësaj duhet të jetë prioriteti ynë për vitet e ardhshme”, thotë ai.
Image

Deputeti gjerman, Knut Abraham

Ai poashtu ka thënë se, është në interesin e Gjermanisë për të nxitur marrëdhënie të mira me fqinjët tanë evropianë, veçanërisht në kohë turbulencash të mëdha.

“Një rajon stabil dhe i begatë i Ballkanit Perëndimor është në interesin kombëtar të Gjermanisë. Mbështetja e Kosovës, një demokraci e re pro-evropiane, është thelbësore. Megjithatë, vetëm mbështetja nuk është e mjaftueshme, sepse ne nuk kemi një vizion për rajonin në tërësi. Kjo do të thotë integrim evropian për të gjitha vendet e Ballkanit Perëndimor, përfshirë Kosovën, brenda disa viteve të ardhshme. CDU qëndron prapa këtij qëllimi”, vlerëson deputeti gjerman.