Kryetari i Lidhjes Demokratike të Kosovës (LDK), Lumir Abdixhiku, ka reaguar pas seancës së sotme të Kuvendit të Kosovës, ku dështoi zgjedhja e kryeparlamentares së re, Albulena Haxhiu.
Në një postim të bërë menjëherë pas zhvillimeve në Kuvend, Abdixhiku përgëzoi deputetët e LDK-së për qëndrimin e tyre, duke thënë:
“Deputetëve të betuar të LDK-së, dalshi faqebardhë. Urime dhe të gjithë deputetëve të betuar të Kuvendit të Republikës.”
“Perdet sot ranë! Numrat u panë. Me to dhe arsyet e bllokimit institucional deri tash”, shkroi Abdixhiku.
Kreu i LDK-së theksoi se pas dorëheqjeve verbale të pranuara nga Komisioni Verifikues dhe krijimit të rrethanave të reja, është rekomanduar verifikimi i mandateve të reja, ndërsa ritheksoi përkushtimin e partisë së tij për të mbrojtur rendin kushtetues.
Në fund të reagimit të tij, Abdixhiku u lut për vendin dhe qytetarët: “Zoti e bekoftë Kosovën dhe popullin tonë!”, ka shkruar Abdixhiku.
Të tjera
Rama dhe Macron inaugurojnë shkollën franceze të kodimit “Ecole 42”
Deputeti ngjitet në çatinë e Parlamentit për të kryer ve*tëvrasje
FSK në fazën e fundit të tranzicionit, në fokus armatimi i rëndë dhe flota e helikopterëve