Konspiracionisti Arianit Sllamniku ka dalë me një “perlë” të radhës, zaten me një parashikim mjaft të madh. Sipas tij, kampi “Bondsteel”, që ndodhet afër Ferizajit, do të zhvendoset në Nish të Serbisë.
Ai nuk e la me kaq. Sllamniku tha se ushtarët e këtij kampi do të vendosen në bazën ushtarake në Nish, ku është raportuar se ka prani të rusëve.
Gazetari Kron Sadiku i habitur shumë, e pyeti: “Kjo e nënkupton bombardimin e Beogradit, sipas…?”
Sllamniku e saktësoi parashikimin: “Jo, absolutisht, do të jetë një pushtim tokësor, s’besoj që do të ketë bombardim.”Sadiku e pyeti përsëri: “NATO-ja e pushton Serbinë?”
Me siguri të plotë dhe pa ngurruar, Sllamniku u përgjigj: “Po, patjetër.”
Sllamniku njihet për teori konspirative. Më parë ai ka pretenduar se presidenti amerikan, Joe Biden, ka vdekur moti dhe se “binjaku” i tij është duke e zëvendësuar.
Komenti nga minuta 16:30:
Të tjera
Gjashtë shenja fizike të stresit që nuk duhet t’i injoroni kurrë
Kurti vizitoi klubin e motoristëve Vespa Fanatics Prishtina: Stili italian vazhdon të mbetet i dashur për shumë breza
Pas rastit të Tivatit, Serbia i hakmerret Malit të Zi – ndalon pasagjerët me pasaporta malazeze në aeroportin e Beogradit