Policia e Malit të Zi ka arrestuar një 48-vjeçar për abuzim seksual të dy të miturve, teksa mediat atje raportuan se i dyshuari është prift në Kishën Ortodokse serbe.
Ai është dërguar në mbajtje për 72 orë, raportoi Vijesti.
“Zyrtarët në Departamentin e Sigurisë në Cetinje kanë arrestuar një person të dyshuar për abuzim seksual ndaj dy të miturve. B.C. 48 vjeç është i dyshuar për këtë krim”, u tha nga Policia.
Mediat lokale kanë raportuar se ish-bashkëshortja e të dyshuarit e ka lajmëruar atë në Polici dhe se ai ka abuzuar dy fëmijët e tyre. Sipas mediave, ata ishin të martuar deri në vitin 2019 dhe se gruaja kishte ikur me dy fëmijët për shkak të dhunës psikike dhe fizike ndaj saj.
Të tjera
Pritje të gjata dhe autobusë të mbushur, ankohen qytetarët e Prishtinës
“Sot në veri të Kosovës nuk ka vrasës, terroristë, trafikantë e kriminelë”, politikani serb kërkon të votohet Albin Kurti, rendit arsyet
Kurti në vizitë te ish-nënkryetari i Ibrahim Rugovës