Vincent Kompany është emëruar trajner i gjigantit gjerman Bayern Munich dhe për shumë kë kjo ishte një befasi e madhe.
Trajneri belg ra nga Liga Premier me skuadrën e tij Burnley dhe të shkosh për ta udhëhequr një nga skuadrat më të mëdha në botë është vërtetë befasi.
Pierre Kompany, që është një politikan në Belgjikë ka thënë se ai nuk u befasua nga vendimi i Bayernit, pasi djali i tij ka refuzuar Chelsean dhe Brightonin që e donin gjithashtu.
“Ishte një befasi për të gjithë botën. Epo, për mua nuk ishte. Nëse shikoni se cilat skuadra tashmë kanë kontaktuar : vitin e kaluar ishin Tottenham dhe Chelsea, tani Brighton ka treguar interes dhe Chelsea përsëri. Por kur Bayerni, një klub që është aq mirë i strukturuar në të gjitha nivelet, troket, nuk mund ta refuzosh”, tha Pierre Kompany për La Dernière Heure/Les Sports.
Pas largimit të Thomas Tuchel, Bayerni ishte refuzuar nga disa trajnerë si Xabi Alonso, Julian Nagelsmann dhe Ralf Rangnick.
“Tek Bayern ata nuk e shikonin verbërisht rënien nga Liga Premier. Ata e dinë se Burnley duhet të kishte marrë më shumë pikë. Ata menduan se ishte e drejtë që Vincent nuk hoqi dorë nga loja dhe vizioni i tij”, tha Pierre Kompany.
Të tjera
Gjykata Speciale: Haxhi Shala dënohet me tri vjet burgim, Januzin dhe Bahtijarin me nga dy vjet
Xheneta: Jam e lënduar, ndjenjat e Gjestit nuk kanë qenë të sinqerta – nuk do të hyj e as nuk do të përballem me të në Big Brother Albania
Xheneta Fetahu thyen heshtjen, flet për herë të parë pas daljes nga Big Brother: Kam qenë e vërtetë, edhe pse kam bërë gabime